Warning: Use of undefined constant WPSocialShare - assumed 'WPSocialShare' (this will throw an Error in a future version of PHP) in /customers/c/4/e/bujqesia-ks.com/httpd.www/wp-content/plugins/wp-social-share/wp-social-share.php on line 19 Warning: session_start(): Cannot start session when headers already sent in /customers/c/4/e/bujqesia-ks.com/httpd.www/wp-content/plugins/custom-sidebars/inc/class-custom-sidebars-explain.php on line 55 Franca premton përkrahje për bujqësinë kosovare. - Bujqesia.eu

Franca premton përkrahje për bujqësinë kosovare.

0

franca

Ministri i Bujqësisë, Pylltarisë dhe Zhvillimit Rural, Memli Krasniqi zhvilloi sot një takim me ambasadoren e Francës në Kosovë, Maryse Daviet, me të cilën ka biseduar për prioritetet e MBPZHR-së për këtë vit dhe mundësitë e bashkëpunimit mes dy vendeve në këtë sektor.
Ministri Krasniqi me këtë rast ka falënderuar ambasadoren Daviet për mbështetjen që Franca i ka dhënë në vazhdimësi Kosovës për zhvillimin e sektorëve të ndryshëm, duke përfshirë edhe atë të bujqësisë. Ai e ka njoftuar ambasadoren për objektivat e ministrisë për këtë vit, duke thënë se mbështetja për fermerët këtë vit do të jetë më e madhe, si dhe do të aplikohen edhe forma të reja të mbështetjes për sektorë të ndryshëm. Ministri Krasniqi tha se fokus i përhershëm do të jetë rritja e transparencës dhe efikasitetit në çdo proces.
Ministri Krasniqi tha se MBPZHR-ja është e interesuar që të krijojë raporte konkrete bashkëpunimi me vendet e rajonit por edhe me vende të tjera të BE-së. Me këtë rast, ai shprehi gatishmërinë që të thellohet dhe zgjerohet bashkëpunimi mes Kosovës dhe Francës.
Nga ana e saj, ambasadorja Maryse Daviet, ka uruar ministrin Krasniqi për detyrën e re dhe vlerësoi përkushtimin e tij për të avancuar programet për mbështetjen e bujqësisë dhe zhvillimit rural në përgjithësi. Ambasadorja ka rikonfirmuar gatishmërinë e shtetit të tij për të ndihmuar zhvillimin bujqësor të vendit.