Warning: Use of undefined constant WPSocialShare - assumed 'WPSocialShare' (this will throw an Error in a future version of PHP) in /customers/c/4/e/bujqesia-ks.com/httpd.www/wp-content/plugins/wp-social-share/wp-social-share.php on line 19 Warning: session_start(): Cannot start session when headers already sent in /customers/c/4/e/bujqesia-ks.com/httpd.www/wp-content/plugins/custom-sidebars/inc/class-custom-sidebars-explain.php on line 55 Gratë e Krushës përkrahen me grante - Bujqesia.eu

Gratë e Krushës përkrahen me grante

0

grate e krushes

Union i Bizneseve Kosovare-Gjermane (UBKGJ) me seli në Këln të Gjermanisë, në bashkëpunim me Organizatën “Gratë në Biznes” dhe Odën Ekonomike Gjermane në Kosovë (OEGJK), kanë organizuar në fshatin Krushë e Madhe ceremoninë e ndarjes së 15 granteve për biznese prodhuese të grave në Kosovë, 4 prej të cilëve i janë dhënë anëtarëve të Kooperativës Bujqësore “Krusha”.

Në këtë ceremoni mori pjesë edhe Murat Jashari, anëtarë nderi në Kryesinë e UBKGJ-së si dhe përfaqësues të bizneseve nga Gjermania dhe Kosova, dhe personalitete të ndryshme nga vendi. “Askund nuk mund të ketë shembull më të mirë të gruas shqiptare sesa ne Krushë të Madhe, ku gratë kanë sfiduar dhimbjen dhe mentalitetin dhe rrisin fëmijët e tyre dhe rindërtojnë jetën”, theksoi Jashari, raporton Telegrafi.

Mysafirëve i uroi mirëseardhje kryetari i fshatit Krushë e Madhe, Selami Hoti, inkurajoj Unionin e Bizneseve Kosovaro-Gjermane me seli në Gjermani dhe investitorëve të tjerë të investojnë në Krushë pasi vendi “njihet në Kosovë dhe Evropë për produktet e saj cilësore”.
Ndërsa drejtoresha ekzekutive e “Gratë në Biznes”, Hamide Latifi, përgëzoi gratë e Krushës për punën e madhe që po bëjnë. Ajo tha se përmirësimi i kushteve të punës me investime shtesë për objektin e përpunimit dhe teknologjisë përpunuese, do të ndihmonte krushjanët të shtojnë prodhimin.
Gani Nuha, zëvendëspresidenti i UBKGJ-së tha se do të vazhdojë bashkëpunimin dhe përkrahjen për Krushën.

Fahrije Hotin, pronare e Kooperativës së grave “Krusha”, tha se gratë e Krushës janë simbol i paqes, i dijes, i vullnetit dhe i suksesit. “Kjo punë na u ka imponua dhe më shumë ka qenë punë e zorit për të rritur fëmijët tanë, por sot këtë punë e bëjmë me shumë dëshirë”, theksoi Hoti.

Edhe Samir Krasniqi, President i Odës Ekonomike Gjermane në Kosovë, premtoi që Oda do të ndihmojë këto kompani të grave të sapoformuara në zhvillimin e biznesit dhe qasjen në treg.

Përfaqësuesit e UBKGJ u njohën me nevojat afatshkurta dhe planet afatmesme te kooperativës së grave “Krusha”. Ky është projekti i tretë i Unionit të Bizneseve Kosovare-Gjermane (UBKGJ) në përkrahje të zhvillimit të ekonomisë së Kosovës.