Hapet panairi “Prishtina 2016”, Bujqësia shans i Kosovës

0
Është hapur Panairi i produkteve bujqësore dhe agroindustriale “Prishtina 2016”, në të cilin po marrin pjesë edhe përfaqësues nga odat ekonomike të Maqedonisë, Shqipërisë, Serbisë dhe Malit të Zi.
Në hapje të këtij panairi, i pranishëm është edhe kryeministri i Kosovës, Isa Mustafa, i cili tha se Qeveria ka prioritet zhvillimin ekonomik, veçmas fushën e bujqësisë, me të cilën janë arritur rezultate të larta.
Ai tha se për këtë fushë janë ndarë subvencione dhe grande të shumta, po ashtu janë përkrahur edhe panaire të tilla.
I pari i Qeverisë, shtoi se Kosova ka nevojë që të rrisë prodhimtarinë e brendshme, në mënyrë që të rritet eksporti dhe cilësia e produkteve.
“Kemi trend të rritjes ekonomike dhe eksportit gjatë këtij viti. Tani po përgatitemi të jemi konkurrent dhe në tregun evropian”, tha Mustafa.
Në anën tjetër, kryeparlamentari Kadri Veseli, theksoi rëndësinë e bashkëpunimit të rajonit.
Sipas tij, ky panair përçon mesazh inkurajues për të gjithë fermerët.
Veseli tha se bujqësia është një element kyç që ndikon në përmirësimin e bilancit tregtar dhe përmirësimin e jetës së qytetarëve.
Kryetari i Odës Ekonomike të Kosovë, Safet Gërxhaliu, tha se sektori privat po ecën me hapa të sigurt, pavarësisht sfidave të shumta.
Ky panair , do te mbetet i hapur deri me date  3 tetor!