Në Kosovë zbulohet një lloj i ri i tulipanit

0
tulipani
Profesori i Universitetit të Prishtinës “Hasan Prishtina” (Departamenti Biologji), Fadil Millaku, njëherësh ushtrues detyre i rektorit në Universitetin “Haxhi Zeka” në Pejë dhe profesori nga UP-ja (Departamenti Biologji) Isa Elezaj, kanë zbuluar një specie të re tulipani të cilën e emërtuan me emrin shkencor “Tulipa luanica (Liliaceae) a new species from southern Kosovo”.
Kjo specie e re për herë të parë u zbulua në Pashtrik më 24 maj 2013 në lartësi mbidetare 1056 – 1100 m.  Punimi u dërgua për votim më 16 shtator 2014 në revistën shkencore Ann. Bor. Fennici, Helsinki dhe u pranua për botim më 27 mars 2015 dhe gjendet online nga data 14 gusht 2015.
Në botë, sipas WCSP (2014), janë të pranuara 90 specie nga gjinia e tulipanëve, nga të cilat në Kosovë kanë qenë të njohura katër lloje. Zbulimi i kësaj specie të re tulipani Kosovën e bën vend të rëndësishëm në aspektin e florës dhe një nga vendet më të pasura në Ballkan me specie tulipani.